ಹುಬ್ಬಳ್ಳಿ-ಧಾರವಾಡದ ವಾರ್ಡ್ 68ರ ವಾರ್ಡನಲ್ಲಿ ಬಡ ದಲಿತ ಚಲವಾದಿ ಸಮುದಾಯಕ್ಕಾಗಿ ಕೇಂದ್ರ ಸಚಿವ ಪ್ರಹ್ಲಾದ್ ಜೋಶಿ ಅವರು ನೀಡಿರುವ 16 ಲಕ್ಷ ರೂಪಾಯಿ ಅನುದಾನದ ಡಾ. ಬಿ.ಆರ್. ಅಂಬೇಡ್ಕರ್ ಸಾಂಸ್ಕೃತಿಕ ಭವನ ಕಾಮಗಾರಿ ಒಂದು ವರ್ಷ ಕಳೆದರೂ ಪ್ರಾರಂಭವಾಗದ್ದನ್ನು ಖಂಡಿಸಿ ನಡೆಯುತ್ತಿರುವ ಪ್ರತಿಭಟನೆ ಇಂದು ತೀವ್ರ ಸ್ವರೂಪ ಪಡೆದುಕೊಂಡಿದೆ. ಸಿದ್ಧಾರ್ಥ ಸೇವಾ ಸಂಘ ಮತ್ತು ವಿವಿಧ ದಲಿತ ಸಂಘಟನೆಗಳ ನೇತೃತ್ವದಲ್ಲಿ ಕಳೆದ ಎರಡು ದಿನಗಳಿಂದ ನಡೆಯುತ್ತಿದ್ದ ಧರಣಿ, ಇಂದು ಅರೆ ಬೆತ್ತಲೆ ಪ್ರತಿಭಟನೆಯ ಮೂಲಕ ಮಹಾನಗರ ಪಾಲಿಕೆ ಎದುರು ನಡೆಸಲಾಯಿತು.
ಪಾಲಿಕೆ ಅಧಿಕಾರಿಗಳ ನಿರ್ಲಕ್ಷ್ಯದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಪ್ರತಿಭಟನಾಕಾರರು, ಕೂಡಲೇ ಕಾಮಗಾರಿ ಪ್ರಾರಂಭಿಸಬೇಕು ಮತ್ತು ಸಚಿವ ಪ್ರಹ್ಲಾದ್ ಜೋಶಿ ಅವರು ಮಧ್ಯಸ್ಥಿಕೆ ವಹಿಸಬೇಕು ಎಂದು ಆಗ್ರಹಿಸಿದ್ದಾರೆ.
ಈ ಒಂದು ಪ್ರತಿಭಟನೆಯಲ್ಲಿ ಸೇವಾ ಸಿದ್ಧಾರ್ಥ ಸೇವಾ ಸಂಘದ ಅಧ್ಯಕ್ಷರಾದಂತಹ ವಿರುಪಾಕ್ಷಿ ಚಲವಾದಿ ಹಾಗೂ ಕರ್ನಾಟಕ ದಲಿತ ವಿಮೋಚನ ಸಮಿತಿಯ ರಾಜ್ಯಾಧ್ಯಕ್ಷರು ಸುರೇಶ್ ಆರ್. ಖಾನಾಪುರ್, ರಾಜ್ಯ ಪ್ರಧಾನ ಕಾರ್ಯದರ್ಶಿಗಳು ಕೆಂಚಪ್ಪ ಬ. ಮಲ್ಲಮ್ಮನವರು, ಹುಬ್ಬಳ್ಳಿ ಶಹರ್ ಅಧ್ಯಕ್ಷರಾದ ಶ್ರೀದರ್ ಕಂದಗಲ್, ಗುರುನಾಥ್ ಕ್ವಾಟೀ, ಕೋಟೇಶ್ ಬುಳ್ಳಾಪುರ್, ರುದ್ರವ್ವ ಚಲವಾದಿ, ಇತರರು ಇದ್ದರು.
